«Класіка» ў дзень роднай мовы

У сераду «Мяшкоў Брэст» скончыць рэгулярны чэмпіянат Беларусі гульнёй пад гучнай афішай. На берагі Буга зноў насоўваецца гандбольнае «класіка», якое пройдзе ў Дзень роднай мовы. І ў гэты дзень арэна загаворыць па-беларуску.

Цікава, што заўзятараў чакае крутая фан-зона ад Брэсцкага абласнога ўпраўлення Міністэрства па надзвычайных сітуацыях. Перад палацам спорту «Вікторыя» з’явяцца пажарныя машыны: любы ахвотны зможа даследаваць спецыяльны транспарт, прымерыць касцюм ратавальніка і нават паспрабаваць прабегчы з вогнетушыцелем. А ўнутры гледачоў чакаюць розныя гульнявыя зоны з пазнавальнымі конкурсамі і розыгрышамі падарункаў, якія асабліва спадабаюцца дзецям. Таксама рыхтуецца незвычайнае перадматчавае шоу з удзелам супрацоўнікаў міністэрства. Ну, і на працягу ўсёй гульні разам з Зубрам каманду будуць падтрымліваць маскоты МНС. Матч стартуе ў 18:30, але лепш прыходзіць ужо за гадзіну да пачатку, каб прасякнуцца атмасферай.

Магчыма, дапамога пажарных спатрэбіцца падчас бітвы на пляцоўцы. Таму што сустрэчы «Мяшкоў Брэст» і СКА — гэта заўсёды выбуханебяспечна! Наша каманда выйграла восем апошніх матчаў супраць мінчан. Аднак кожная новая гульня — новая гісторыя. І як бы ні складвалася сітуацыя, якім бы ні быў расклад у табліцы — эмоцыі заўсёды зашкальваюць. У такіх абставінах асабліва важная падтрымка заўзятараў. Таму чакаем усіх на трыбунах у сераду, 21 лютага! Білеты ў касе арэны, а таксама АНЛАЙН.